UEUko berriak

Udako Ikastaroak 2008 - EGITARAUAK IKUSGAI!

2008-03-04 00:00:00+01

Ikusi uztailerako prestatutako UDAKO MENUA: - Eibarko zizka-mizkak - Baionako gutiziak - IruÃ±eko azkenburukoak egin aukera hemen: http://ikastaroak.ueu.org

ELKARTE BIZIA (Lehen (in)formazio zikloa 2008ko otsailatik maiatza arte

2008-01-24 00:00:00+01

UDAKO EUSKAL UNIBERTSITATEA eta BASAIZEA elkarteek, beren indarrak eta esperientziak batu eta, Ipar Euskal Herriko elkarteei zuzendutako ikastaro ziklo bat antolatzen dugu otsaila eta maiatza artean. Elkarte sarea, lurralde baten dinamismoaren eta garapenaren aktore garrantzitsua da. Ipar Euskal Herrian, sektore ezberdinen inguruan lanean ari diren elkarte anitz bada: kirola, kultura, besta, ekoizleak, auzotarrak, langileak, gazteak... **7 atal independentetan banatzen dugu ikastaldia** - ELKARTEAK eta LEGEAK (Otsailaren 2, 9 eta 16-a) [[ http://www.ueu.org/courses/one?id=430&scope=public Egitaraua eta izen ematea!! ]] Iraupena: 10 ordu eta erdi. - MAKETAZIO INFORMATIKOA (Otsailaren 25, 26, 27, 28 eta 29-a). [[http://www.ueu.org/courses/one?id=431&scope=public Egitaraua eta izen ematea !! ]] Iraupena: 22 ordu eta erdi. - ELKARTE DINAMIKA eta ELKARTE PROIEKTUA (Martxoaren 15 eta 22a) [[ http://www.ueu.org/courses/one?id=432&scope=public Egitaraua eta izen ematea !! ]] Iraupena: 8 ordu. - ELKARTEAK eta KOMUNIKAZIOA (Martxoaren 29-a) [[ http://www.ueu.org/courses/one?id=433&scope=public Egitaraua eta izen ematea !! ]] Iraupena: 4 ordu. - ELKARTEAK ETA BLOGAK (Apirilaren 12-a) [[ http://www.ueu.org/courses/one?id=434&scope=public Egitaraua eta izen ematea !! ]] Iraupena: 6 ordu. - IRUDIEN MOLDAKETA INFORMATIKOA (Apirilaren 21, 22, 23, 24 eta 25-a)[[ http://www.ueu.org/courses/one?id=435&scope=public Egitaraua eta izen ematea !! ]] Iraupena: 35 ordu. - ELKARTEAK eta KONTABILITATEA (Maiatzaren 24 eta 31-a) [[ http://www.ueu.org/courses/one?id=436&scope=public Egitaraua eta izen ematea !! ]] Iraupena: 9 ordu. **Ikastaldi ziklo horren helburua**, tokiko aktoreen eskuetan tresna teoriko eta praktikoak ematea da. Elkarteen legedia, maketazio informatikoa, bilkuren animazioa, elkarte proiektua, komunikazioa, Blogak, irudien moldaketa informatikoa eta kontabilitatea landuko dira. **Denei irekiak** dira! Ikus **EGITARAUA** !! **Izena emateko:** iparraldea@ueu.org Tel: 0033.621.68.56.71. (Eneko)

UEUren 2009ko egutegia: marrazki-lehiaketa

2008-05-05 00:00:00+02

UEUren 2009ko EGUTEGIA: MARRAZKI-LEHIAKETA Urtero bezala, 2009an ere, UEUk bere egutegi berezia izango du. 2009koa hain zuzen ere bereziena izan daiteke. Izan ere, UEUren bazkide batzordeak antolatuta, egutegiaren diseinua marrazki lehiaketa baten bitartez erabakiko da. UEU kide zareten guztiok lana izango duzue.
Marrazki lehiaketaren oinarriak:
1.   Partaideak: UEUko bazkideak.
2.   Marrazkiak: umeek egindako marrazkiak izan behar dira, beraz UEUko bazkide batekin harremana duten (seme-alaba, iloba, biloba, lehengusu, auzoko...) eta 2000. urtetik 2007. urtera bitartean jaiotako umeek parte hartu ahal izango dute.
3.   Eskuz egindako marrazki originalak izan beharko dira, argitaratu gabeak eta beste lehiaketa batean saritu gabeak.
4.   Proposatzen dugun gaia: egutegia eta honekin lotuta daudenak dira, urtea, urtaroa, hilabeteak...
5.   Bazkide bakoitzak gehienez bi marrazki aurkeztu ahal izango ditu.
6.   Marrazkiari izenburua jarri behar zaio atzeko aldean. Marrazkiarekin batera gutun-azal itxi bat aurkeztuko da, eta bertan egilearen izen-abizenak eta adinaz gain, UEUko bazkidearekin duen harremana eta bazkidearen beraren izena eta bazkide zenbakia sartu beharko dira.
7.   Marrazkiak DinA4ko neurria izan beharko du, horizontalean jarrita.
8.   Lanak posta arruntez bidali beharko dira UEUren Eibarko Ikastetxe Nagusira ekainaren 30a baino lehen:
UDAKO EUSKAL UNIBERTSITATEA (UEU)
Egutegi lehiaketa (Irati Iciar)
Otaola 1, Markeskoa
20600 Eibar
9.   Lehiaketaren epaimahaia UEUko bazkide batzordeak osatuko du. Ebazpena urriaren 13an emango du UEUren web gunearen bitartez (www.ueu.org), eta irabazleei zuzenean.
10.   Saria: aukeratutako marrazkiak UEUk 2009an argitaratuko duen egutegian erabiliko dira. Egutegian erabilitako marrazki bakoitzean egilea eta bazkidea aipatuko dira.
11.   Saritutako lanak eta epaimahaiak aukeratutakoak web gunean jarriko dira ikusgai.
12.   Aurkeztutako lan guztien jabetza UEUk hartuko du bere gain, baita lanak erabiltzeko eskubidea ere. Marrazkiak UEUren ondarearen parte bilakatuko dira beraz. Ez dira itzuliko eta ez dira salerosketarako gai izango.
13.   Nahiz eta marrazkiak ondo zaintzeko ahaleginak egin, okerrik izanez gero, antolatzaileek ez dute horren erantzukizunik hartuko.
14.   Lehiaketa honetan parte hartzeak oinarriak oso-osoan onartzen direla esan nahi du.
Hasi zaitez zure inguruan dauden artista txikien bila, ziur Da Vinci edota Zuloaga bat duzula inguruan.

IRAKAS(L)ARI: UEUn irakasle aritzeko lan poltsa

2006-11-30 00:00:00+01

UEUn irakasle aritzeko interesa badaukazu, sartu eta eman izena: http://www.ueu.org/courses/one?id=284&scope=public

WWW BERRI BATEN LEHEN URRATSAK

2008-05-05 00:00:00+02

Ikastaroa, **maiatzaren 16an** izango da UEUren Ikastetxe Nagusian (Eibarren) 9:30etatik 19:00etara. **Ikastaroaren helburua:** Web semantikoa minuskulaz zer den ezagutu eta mikroformatuak, RDFa eta GRDDL erabiltzen ikastea gure aplikazio, web gune edo jarduerari balio erantsia gehitzeko. Izena emateko azken eguna maiatzaren 9a da! Informazio zehatzagoa eta izena emateko aukera duzu [[ http://www.ueu.org/groups/informatika/courses/one?id=438&scope=group&group_id=26 hemen ]].